Tolle Reitbeteiligung in Aadorf TGID: 654

Preis: Preis auf Anfrage
Tolle Reitbeteiligung in Aadorf TG
  • Haupteignung: Freizeit
  • Alter: 9 Jahre
  • Weitere Eignung: Bodenarbeit
  • Typ: Warmblut
  • Rasse: Deutsches Reitpony
  • Farbe: Schimmel

Beschreibung

Ich sueche für mis liebevolle Stüetli eh liebi Riitbeteiligung für 1-2 mal pro Wuche. Zu mim Ross: Tashina (was uf indianisch übrigens „Die Schönheit der Berge“ heisst) isch eh 9 Jährigi Dütsches Riitpony x Holsteiner Mix Stuete. Vom Bode us isch sie super schmusig und ruhig. Au mit umerännende Chind und Hünd hät sie eh riese Geduld. Wär uf ihrem Rugge därf sitze wird aber gern gnau testet... Sie isch absolut keis Afängerross. Zwar bocket, stiegt und brännt sie nid dure aber trotzdem brucht sie en erfahrene Riiter. Sie an Zügel z riite brucht viel Geduld und im Gländ hät sie en enorme Vorwärtsdrang. Trotzdem isch sie immer händelbar. Zu dir: Du söttsch mindestens 18i sii und natürlich d Versicherig zum riite vo fremde Ross ha. Erfahrig mit nid immer eifache Ross und riite uf Brevetniveau isch ebefalls Pflicht. Tashina liebt langi Usritt, Gymkhanas und Patrouillenritt. Wänn du so Sache au toll findsch und bereit bisch mit und uf ihre z lerne dänn bisch du di richtig Person für eus. Dressurstunde därfed gern gnoh werde (Riitlerersuechi müesstisch sälber überneh). Springe isch momentan keis Thema, da sie nonig bereit isch für das und ich ihre die Ziit lah möchti. Mir freued eus uf dini Nachricht Kostebeteiligung erwünscht.

Verkäufer kontaktieren